ईजरायलबाट थप १९ जनाको उद्वार

३० असोज
काठमाडौं । इजरायलमा विद्रोही हमास समूहले आक्रमण गरेपछि स्वदेश फर्किनका लागि अनलाइन आवेदन दिएका १९ जनालाई सरकारले उद्धार गरेको छ।
नन्दसिंह भुल,सुजेन्द्र खड्का,प्रतिभा रौनियार,अनुमा डंगोल, हिना खाँण,आतिस गुरुङ,जुनु गुरुङ,मौसमी पाख्रिन,प्रतिमा तिम्सिना,राजकुमार मानन्धर,संगीता दुलाल,उर्मिला रावल, ममता थापा,दिलकुमारी अधिकारी कार्कीलाई उद्वार गरिएको छ । त्यस्तै, निश्चल श्रेष्ठ,समिता बस्नेत,अम्बिका सुवेदी,सिरता गुरुङ,उर्मिला श्रेष्ठलाई सराकारले भारतीय विमानमार्फत उद्धार गरेको हो।
परराष्ट्र मन्त्री एनपी साउदले मंगलबार इजरायलको चेल अविवबाट भारतको उद्धार विमानमार्फत १९ नेपालीको उद्धार गरिएको जानकारी दिनुभयो ।
मन्त्रालयले स्थानीय समय अनुसार तेल अविवबाट बिहान ९ बजे स्पाइस जेटमार्फत् १९ नेपाली नागरिक आउने जनाएको छ। मन्त्री साउदले स्वदेश आउन लागेका नेपालीलाई दिल्लीस्थित दूतावासले सवारी साधनको व्यवस्था गरेर नेपाल पठाउने पनि जानकारी दिनुभयो ।
नयाँ दिल्लीस्थित दूतावासले इजरायलबाट उद्धार गरी ल्याइएका नेपालीलाई गौरीफन्टा नाका भएर कैलाली भित्र्याइने छ। कैलालीबाट जिल्ला प्रशासन कार्यालयले उनीहरूलाई सम्बन्धित स्थानमा पु¥याउने तयारी गरिएको मन्त्रालयले जनाएको छ। उनीहरू मंगलबार बेलुकी ६–७ बजेसम्म नयाँ दिल्ली पुग्ने बताइएको छ।