बिनु वली
मानव अधिकार तथा शान्ति समाज दाङ शाखाले शान्ति समाजमा आबद्द सदस्यहरु लाई संस्थाका मुल्य मान्यता सम्बन्धि अभिमुकिरण शनिबार प्रदान गरेको छ ।
झण्डै ५० जना बढिलाई शाखाले तुलसीपुरमा अभिमुखिरकण दिएको शाखा सभापति कोमल डि.सी.ले जानकारी दिनुभयो ।
मानव अधिकार तथा शान्ति समाजका पूर्व सभापति मोहन प्रसाद धितालले समाजका केही नीति,मान्यता र परम्परा,पूर्व केन्द्रीय सचिव निर्मल नेपालीले शान्ति समाजले लागु गर्दै आएको आचारसहिंता, शान्ति समाजका केन्द्रीय सदस्य निर्मला पोख्रेल गौतमले परिदृश्य,उदेश्य र मूल आदर्शमा उल्लेखित बिषय र केन्द्रीय सचिव तुलसीराम सुनारले राष्ट्रिय परिषद्बाट पारित भावि कार्यक्रम र अभियानका बारेमा जानकारी गराउनुभएको थियो ।
सो अवसरमा उच्च अदालत तुलसीपुरका अध्यक्ष मधुसुदन गौतम,तुलसीपुर उद्योग बाणिज्य संघका अध्यक्ष बिनील के.सी.,शान्ति समाज सल्यान शाखाका पूर्व सभापति बिष्णु शर्मा, ग्रीन तुलसीपुर क्लीन तुलसीपुरका अभियान्ता बिमल रिजाल, ब्यबसायी यज्ञ के.सी.,शान्ति समाज दाङका सल्लाहकार निर्मला डाङी योगी लगायतले अभिमुखिकरणले मानव अधिकारको क्षेत्रमा क्रियाशिल ब्यक्ति र संस्थाका लागि उपयोगी रहेको भन्दै प्रशंसा गर्नुभएको थियो ।
कार्यक्रम शान्ति समाज दाङका सभापति कोमल डिसीको सभापतित्वमा भएको कार्यक्रममा स्वागत मन्तब्य उपसभापति अमृत प्रसाद शर्माले र सञ्चालन सचिव माधव बस्नेतले गर्नुृभएको थियो । त्यसअवसरमा तुलसीपुर उपमहानगरपालिका वडा नम्वर ९ स्थीत नवदुर्गा सामुदायिक बनमा वनभोज कार्यक्रम समेत सम्पन्न भएको थियो ।